「呢到講,呢到散」

2019.04.06

最初聽人講「呢到講,呢到散」,以為係由呢到做出發點,信息就會散開去,傳遍天下。事實由講者心情到資訊內容,都是旨在散佈信息,據觀察亦然。幾時會見講者「呢到講,呢到散」之後,累積的情緒和腦海記憶可以煙消雲散?

承上回《收費=保護行業》,引起學習輔導的同輩之間熱烈討論,今早向長者匯報同學間戲稱之為「保護費」。當然亦擔心長者未有被好好「治療」,傷口暴露,覆水難收,唯有傍敲側擊、直線了解其「表達藝術治療小組」奇遇:

長者:原來佢哋𠵱家好多讀緊都做緊

我:咁其實你點知佢嚟開組是為咗滿足功課要求,完成學業呢?

長者:(信心滿滿)因為你都係讀呢啲所以我知囉

我:(忍住反白眼,事關佢好少問我好少講)咁佢有無俾過一份嘢你簽,寫明佢係某某大學、佢讀緊個咩課程、佢嚟嘅目的係做乜、你有咩唔願可以隨時退出咁呀?

長者:(諗一諗)佢淨係開始嗰時講咗六個字 – 「呢到講,呢到散」同埋講明佢邊到嘅係學生囉!

我:(心中暗嘆家庭角色從來都是錯配,又要追通告!)真係無簽?你俾我問到1999,有簽你應該成張紙俾咗我睇,等我知道發生咩事啦呵?定係簽咗俾佢keep呀?

長者:係囉係囉!無喎!無簽喎!佢淨係講「呢到講,呢到散」

我:(嘿嘿,你根本唔知我讀乜做乜)我讀緊嗰時去學校做實習,有份嘢俾人簽㗎喎⋯⋯即係同意書呀!

長者:(意會到我想問乜)我知佢係做功課,因為我同大學生傾偈多囉!我接觸嗰啲都係要做呢啲project㗎!我feel到佢係(無錯,長者退休前係喺大學做,事實又真係好多大學生搵佢傾心事,可惜佢無讀碩士,所以唔可以註冊,完敗)

我:咁你哋喺小組係咪講咗好多私隱、個人嘅嘢㗎?

長者:係呀!(疑似呻笨)無lu,佢攞晒去做功課lu~

我:(重點嚟嘞,雖然我知我個位置永遠得唔到個最真答案)咁你參加完有無唔開心呀?治療喎!

長者:無呀!幾好玩呀,又唱吓歌、跳吓舞咁;(真開心)我同你多個話題,好呀!

然後佢開始講其中一個參加者嘅年齡學歷及其他,我好想講句:「喂呀😂又話呢到講,呢到散?」為免打消佢雅興,我輕輕帶過,又硬生生吞下去,然後背一次上一篇blog的內容,分享何謂保護行業之我見,加以闡述:

保護行業是要實踐道德操守,保密就是其中之一,當事人亦都有權選擇退出

以免資訊過多,還有一句沒說,就是「輔導過程不應讓當事人受到傷害。」背後有一大串關於輔導不同學派、研究理論學說、坊間號稱治療及其成效的議題。

對話完畢前,

我:咁我可唔可以又寫出嚟放上網呀?

長者:(笑)你咪寫囉!

我:咁我家陣出去治療嘞真係!

長者:咩呀?

我:物理治療呀!

就算以上對話不是發生在輔導關係,我也會先取得同意才公開,這是一種尊重,是為人的基本。

當日讀輔導做實習要當事人填的同意書

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s